Die South African Target Rifle Association, SA Jagters, en die Suid-Afrikaanse Nasionale Skoleskuttersunie het op Saterdag 15 Junie die eerste gesamentlike skietgeleentheid by Eeufees skietbaan in Voortrekkerhoogte aangebied. Die skietgeleentheid is gekenmerk deur herontmoetings tussen ou kennisse wat mekaar vir die eerste keer in jare weer op die baan raakgeloop het. Nuwe skuts so jonk as 7 jaar het vir die eerste keer aan ’n georganiseerde skietkompetisie deelgeneem. Altesaam 88 skuts het op die dag deelgeneem aan hierdie unieke pretskiet. Almal was dit eens dat hierdie skiet beslis herhaal moet word.

Hou gerus volgende jaar se Jeugdag-naweek op jou kalender oop om deel te wees van hierdie besonderse skietgeleentheid.