TOEGEWYDE STATUS JAGTERS EN SPORTSKUTS
SA Jagters se vuurwapenhulplyn help lede om aan die wetlike vereistes te voldoen om ‘n vuurwapen te besit. Ons ondersteuningsdienste sluit in interne opleiding, elektroniese stelsels vir lede-administrasie, geoutomatiseerde prosesse vir endossemente en kennisgewings om lisensies te hernu.
SA Jagters se aktiwiteite word outomaties na elke lid se profiel op die lede-administrasiestelsel opgelaai en hou rekord van hulle verpligte aktiwiteite om toegewyde status te handhaaf.
ARTIKEL 16 AANSOEK INGEVOLGE DIE WET OP DIE BEHEER VAN VUURWAPENS
- Toegewyde jagter- en/of sportskutstatus
- Handwapen, haelgeweer, geweer, handkarabyn (semi-outomaties)
- Geen beperking op die aantal vuurwapens nie
- Geen beperking op die aantal rondtes ammunisie nie
- Vuurwapenlisensies is geldig vir 10 jaar, behalwe handwapens vir selfverdediging waar lisensies geldig is vir 5 jaar
- Toegewyde sportskuts moet jaarliks enige drie skietaktiwiteite rapporteer om hul status te behou
Geldigheidsperiode van lisensies
- Handwapen vir selfverdediging – 5 jaar (Artikel 13)
- Geleentheidsjag en sportskiet – 10 jaar (Artikel 15)
- Toegewyde jag en sportskiet – 10 jaar (Artikel 16)
- Professionele jag – 10 jaar (Artikel 16A)
- Besigheid as ‘n wildboerdery of jagonderneming – 10 jaar (Artikel 20)
- Besigheid anders as wildboerdery of jagonderneming – 5 jaar (Artikel 20)
- Swartkruit/Voorlaaier – 10 jaar (bevoegdheidsertifikaat word benodig)
Toegewyde Status
ʼn Persoon met toegewyde jagter- en/of sportskutstatus mag meer as vier vuurwapens, ʼn selflaai of semi-outomatiese geweer en meer as 200 rondtes ammunisie per lisensie besit.
Die vuurwapeneienaar moet toegewyde jagter en/of sportskutstatus verkry voordat hy kan aansoek doen vir ʼn Artikel-16 vuurwapenlisensie.
Hoewel die wet meer vryheid bied aan ʼn persoon met toegewyde status, plaas dit terselfdertyd ʼn groter verantwoordelikheid op daardie persoon.
ʼn Toegewyde jagter moet gedurende die jaar aan ten minste twee voorgeskrewe jagaktiwiteite deelneem en daaroor verslag doen.
ʼn Toegewyde sportskut moet gedurende die jaar aan ten minstes drie voorgeskrewe skietbaan- of sportskietaktiwiteite deelneem en daaroor verslag doen.
Lede met toegewyde jagter- en/of sportskutstatus moet elke jaar teen 31 Oktober ʼn verslag van hulle aktiwiteite instuur om hul status te behou.
Aktiwiteitsverslag
Om jou toegewyde jagterstatus te behou
- bywoning van amptelike aktiwiteite van SA Jagters
- georganiseerde skietaktiwiteit waar skuts ʼn bywoningsregister teken
- voltooide jagverslag op die aanlyn lede-administrasiestelsel
- herlaai-aktiwiteit vir lede wat self ammunisie herlaai
- ʼn besoek aan HuntEx-skou
SA Jagters se amptelike tak- of skietbyeenkomste word op die takke se tablette ingevoer en outomaties op ʼn lid se profiel gestoor. Dit is elke lid se verantwoordelikheid om inligting oor sy jagtogte en sportskietaktiwiteite – ook dié by andere geakkrediteerde verenigings – op die lede-administrasiestelsel aan te teken as deel van die verpligte jaarlikse aktiwiteitsverslag.
Om jou toegewyde sportskutstatus te behou
- amptelike skietgeleentheid van SA Jagters
- skietgeleentheid by ‘n ander geakkrediteerde sportskietvereniging
- georganiseerde skietaktiwiteit waar skuts ʼn bywoningsregister by die skietbaan teken
- private skietoefening of sosiale skietgeleentheid waar skuts ʼn bywoningsregister by die skietbaan voltooi
- diensbeurt as baanoffisier
- herlaai-aktiwiteit vir lede wat self ammunisie herlaai
- ʼn besoek aan die HuntEx-skou
SA Jagters se amptelike tak- of skietbyeenkomste word op die takke se tablette ingevoer en outomaties op ʼn lid se profiel gestoor. Dit is elke lid se verantwoordelikheid om inligting oor sy jagtogte en sportskietaktiwiteite – ook dié by andere geakkrediteerde verenigings – op die lede-administrasiestelsel aan te teken as deel van die verpligte jaarlikse aktiwiteitsverslag.
Stuur vir ons jou vrae, kommentaar of voorstelle
