MENTORSKAP
MENTORSKAP
DIE TOEKOMS - ONS FOKUS
“Op die ou end sal ons net bewaar waarvoor ons lief is; Ons sal net liefhê wat ons verstaan: en ons sal net verstaan wat ons geleer is” Baba Dioum, Afrika
Wat is Mentorskap?
- Mentorskap is die leiding of rigting wat ʼn mentor bied.
- ʼn Mentor bied kennis, hulp of advies aan ʼn minder ervare en dikwels jonger persoon.
- Mentors het ervaring en kundigheid waaruit ander kan leer.
- SA Jagters: ʼn kultuur van mentorskap – bv. ouers na kinders na kleinkinders
Wat is ons nalatenskap vir ons nageslag?
- Jag, vuurwapeneienaarskap en ʼn liefde vir die natuur
- Ons voorgeslagte – aangewese op vuurwapens en jag
- Die San en die Inuit – in harmonie met die natuur
- Volhoubare benutting – benut oordeelkundig en bewaar vir môre
- Kritici wil jag en vuurwapen-eienaarskap stop – “nie meer nodig vir ons voortbestaan nie”
- Verstedeliking en toenemende behoefte aan lewensmiddele bedreig ons natuurerfenis en vernietig habitat van diere en plante
- Jagters betaal vir bewaring van habitat
- Wildplase in Suid-Afrika: 20 milj hektaar – twee keer meer as provinsiale en nasionale parke saam
- Wildspesies – sedert 1960 groei getalle van 600 000 na 17 miljoen diere (nasionale parke en reservate uitgesluit)
- Jagbedryf se bydrae tot ekonomie (R15 miljard p.j. en binnelandse jagters se bydrae is R12 miljard p.j.)
- Erf passie vir skiet, jag en natuur van pa/oom/oupa as mentor
- Nie almal het hierdie voorreg gehad nie (verstedeliking, ruimte en tyd)
- Sit tradisie voort en tree op as mentor vir ander
Watter verskil kan ek maak?
- Lede met ʼn positiewe gesindheid en waardes is ideale mentors
- Benut geleenthede vir mentorskap onder vriende en familie
- Moedig lidmaatskap aan – Jou Voordele / Ons Fokus
- Verduidelik die omvattende voordele van SA Jagters
- Nooi mense uit na Takke se aktiwiteite
- Jongmense onder 16 jaar: Gebruik die junior handleiding, Mentorskap Safari
- Advies met koop van vuurwapen
- Oefen skietvaardighede
- Vergesel na eerste jag en stel voorbeeld van verantwoordelike jag en gedrag
- Gee raad oor verwerking en benutting van wildsvleis
- Fokus op persone in die 20 tot 40 jaar ouderdomsgroep wat waardering en respek vir wildlewe aan hulle kinders wil oordra.
- Jou mentorskap kan die begin wees van `n nuwe lewensstyl vir landgenote by SA Jagters.
- Elke lid kan bydra om SA Jagters se ledetal uit te brei.
- Die toekoms van vuurwapeneienaarskap, jag en bewaring in Suid-Afrika maak staat op my en jou
Kweek jong jagters en bewaarders
Lees die inspirerende artikel deur André van der Merwe (SA Jagters Bestuurder: Tak- en Skietsake) waarin hy terugkyk op sy reis vanaf sy vroeë kinderjare, gelei deur sy pa en oupa, wat by hom ’n diep respek vir wildlewe en die natuur gekweek het, en hom gevorm het tot ’n verantwoordelike jagter en mentor vir sy kinders en kleinkinders.
Stuur vir ons kommentaar, vrae of voorstelle