GEREELDE VRAE
VUURWAPENLISENSIES
Wat is die voorvereistes om ‘n vuurwapen te besit?
- Suid-Afrikaanse burgerskap
- 21 jaar oud
- Geen kriminele rekord nie
- Geen aanklag van nalatige gebruik van ‘n vuurwapen nie
- Geldige bevoegdheidsertifikaat na suksesvolle voltooiing van die voorgeskrewe vuurwapenbevoegdheidsopleiding by ‘n geakkrediteerde opleidingsinstansie vir die spesifieke vuurwapen
- Geldige lisensie of permit vir daardie spesifieke vuurwapen uitgereik ingevolge die Wet op die Beheer van Vuurwapens
Hoe help SA Jagters sy lede met vuurwapenlisensies?
SA Jagters help lede om aan die wetlike vereistes te voldoen om ’n vuurwapen te besit.
Hoe doen ek aansoek vir ‘n bevoegdheidsertifikaat?
- Voltooi eers die relevante bekwaamheidsopleiding by ‘n geakkrediteerde opleidingsentrum voordat jy kan aansoek doen vir ʼn bevoegdheidsertifikaat.
- Doen aansoek by SAPS met die nodige dokumente. Kry al die inligting hier Aansoek vir Bevoegdheid.
Wanneer doen ek aansoek om die hernuwing van ‘n bestaande vuurwapenlisensie?
- Dien ʼn hernuwingsaansoek in minstens 90 dae voor die vervaldatum van die huidige vuurwapenlisensie. Kry al die inligting hier Hernuwing van Vuurwapenlisensie
Geldigheidsperiode van lisensies
- Handwapen vir selfverdediging – 5 jaar (Artikel 13)
- Geleentheidsjag en sportskiet – 10 jaar (Artikel 15)
- Toegewyde jag en sportskiet – 10 jaar (Artikel 16)
- Professionele jag – 10 jaar (Artikel 16A)
- Besigheid as ‘n wildboerdery of jagonderneming – 10 jaar (Artikel 20)
- Besigheid anders as wildboerdery of jagonderneming – 5 jaar (Artikel 20)
- Swartkruit/Voorlaaier – 10 jaar (bevoegdheidsertifikaat word benodig)
Is groen lisensies nog geldig?
- Die ou groen vuurwapenlisensies wat onder die vorige vuurwapenwet uitgereik is, is steeds geldig. Indien die vuurwapeneienaar egter reeds ʼn hernuwingsaansoek (wit lisensie) ingevolge die Wet op die Beheer van Vuurwapens (Wet 60 van 2000) ingedien het, is die groen lisensie ongeldig. Lees meer hier.
Wanneer word ‘n luggeweer as ‘n vuurwapen beskou?
Die Wet op Beheer van Vuurwapens se definisie vir ʼn luggeweer: Luggeweer beteken enige toestel vervaardig om ‘n koeël of enige ander projektiel af te vuur –
- met ‘n kaliber van minder as 5.6 mm (.22 kaliber); of
- met ‘n trompenergie van minder as 8 joules (6 voet-pond) deur middel van saamgeperste gas en nie deur middel van brandende dryfmiddel nie”
Stuur vir ons jou vrae, kommentaar of voorstelle
