Lapua Challenge 22 Februarie:

Sien die uitslae hier.

Veldskiet:

Namakwa-tak het onlangs ʼn uiters suksesvolle veldskietbyeenkoms by die Karras Saaltjie in die Boesmanland aangebied. Die weer was uitstekend en ons sowat 200 mense gehad wat die Boesmanland Boerevereniging ondersteun het om aan die ghongskiet, handwapen- en die langafstandskietoefeninge deel te neem.

Die kosstalletjies was baie gewild, veral die Boesmanland-boere se vleisprodukte wat die dorpsjapies teen weggee-pryse kon koop! Ander stalletjies het produkte bemark wat motorvoertuie, kraggereedskap, sonstelsels, speserye en huishoudelike skoonmaakmiddels verkoop het. Een van ons lede, Henta Burger, het besoekers geleentheid gegee om met swartkruitgewere en -rewolwers te skiet! Dit was veral gewild.

Namakwa-tak het R16,000 aan die Boerevereniging oorhandig, en die bestuur was tevrede met die tak se deel uit die inkomste van die skietdag. Die dag is laataand gesellig afgesluit met ʼn braai en musiek. Natuurlik berus die sukses van die dag op die harde werk van ons baanoffisiere en administratiewe personeel. Dankie elkeen vir julle grootse poging!

Uitslae

Mans – 5 x Ghongskiet

1. PD Jacobs
2. Nicol Brand
3. Willie Marais

Dames – 5 x Ghongskiet

1. Nelicia Jacobs
2. Minnet van Niekerk
3. Anika van den Heever

Juniors O.13

1. Cobus Labuschagne (Jnr.)
2. Alexander Crous
3. Leon vd Heever (Jnr.)

Handwapen – Ope

1. Kobus van der Walt
2. Willie Marais
3. Ronel Groenewald

Randslag Ghongs O.13

1. Alexander Crous
2. Katryn van der Westhuizen
3. Cobus Labuschagne (Jnr.)

Long Range Challenge – Open

1. Nelicia Jacobs
2. JG Vlok
3. PD Jacobs

Kallie Oberholzer het die Boesmanland Challenge (Winner Takes All) gewen wat ʼn Suidkus-vakansie behels.

Kyk gerus in die foto-album na die dag se foto’s hier

Namakwa-tak het op Saterdag 25 Januarie 2025, ’n .22 veldskietbyeenkoms saam met die Springbok Christian Academy (SCA) aangebied om veral die jeug by sportskiet te betrek. Sowat 50 skuts het met groot geesdrif na ghongs en diereteikens geskiet. Die ouers het ook meegedoen in die opwinding en almal het na afloop van die skiet heerlik saam gekuier.

Van die ouers het verskeie stalletjies beman en van springmielies tot braaivleis verkoop! Die fondsinsameling was ’n reuse sukses en die skoolhoof was tevrede met die dag se opbrengs.

Kyk gerus in die foto-album na die dag se foto’s hier