Heidelberg-tak se takskiet op 15 Februarie is goed ondersteun. Skietoefeninge het ingesluit die jakkals- en rooibokskietoefeninge, die buffelteiken vir skuts met swaarkalibergewere gevolg deur die posliga handwapenskietoefening. Dit is duidelik dat skuts geniet om met hul handwapens te skiet.

Gaan kyk gerus na Anri Wessels se video van die dag se aktiwiteite hier.

Die Heidelberg Swaelkransers het ook op 15 Februarie aan die President -en Intertak-spanskiet by Hartebees-tak deelgeneem. Die span het sesde gekom uit 18 spanne. In die skietoefening vir individuele skuts, het Hannes Nolte derde en Wessel Hattingh negende gekom. 

Die tak se haelgeweerskuts het op 8 Februarie aan ʼn skietdag by die Swaelkrans-skietbaan deelgeneem. Hulle het dit baie geniet en sal beslis weer so maak! Die baan is ook oopgehou om ander skuts wat informeel wou skiet, kans te gee.

Heidelberg-tak se Swaelkransers het op 1 Februarie aan die President- en Intertak-spanskietbyeenkoms by Bluegum Valley-skietbaan deelgeneem. Springbok-tak was die gasheer. Die span het eerste gekom met ʼn telling van 2590.45 punte. Monique, een van die spanlede, het tweede gekom onder die vroueskuts.

Die Heidelberg Swaelkransers het ook op 15 Februarie aan die President -en Intertak-spanskiet by Hartebees-tak deelgeneem. Die span het sesde gekom uit 18 spanne. In die skietoefening vir individuele skuts, het Hannes Nolte derde en Wessel Hattingh negende gekom. 

Heidelberg-tak se eerste tak-skietdag vir 2025 was op 18 Januarie. Die dag het begin met ʼn vinnige inskietsessie vir skuts wat wou seker maak hul gewere is nog reg gestel. Die springbok-, blouwildebees- en vlakvarkskietoefeninge is goed ondersteun. Na afloop van die dag se skietoefeninge het ons, soos oudergewoonte, heerlik gebraai in die koelte van die kuier-boom.