Springbok

Chairman / Voorsitter:
Carel Oberholzer (082 805 0181)
e-mail / e-pos

 Bestuurskomitee

 Algemene nuus

November is op ʼn einde. Baie geluk aan die ons lede vir elke bydrae tot ons Tak se sukses.
Die volgende toekennings is ontvang soos gemeet en evalueer deur SA Jagters se nasionale kantoor.

Top 400 Kampioen – Namakwa-tak 2022
Groot Kampioen – Namakwa-tak 2022
Orde van die Buffel – Goud – Carel Oberholzer – Takontwikkeling en bestuur
Orde van die Buffel – Goud – Karel du Toit – Bydrae tot bewaring op nasionale vlak
Orde van die Buffel – Brons – Andre Smith – Bydrae op Takvlak vir bestuur.
Dit was inderdaad vir ons ‘n verrassing en dan vir my ‘n voorreg om op 5 November die nasionale kongres in Pretoria by te woon.

Ek wens elkeen van u ‘n geseënde Kersfees toe en ons sien uit na ‘n voorspoedige nuwe jaar!

Skietaangeleenthede

Die NAMAQUA TOP GUN skiet op 19 November was uiters suksesvol en ons wens alle wenners baie geluk.
Die entoesiasme en bydraes van ons borge het hierdie sommer ‘n spoggeleentheid gemaak.
Almal is dit eens dat dit ‘n jaarlikse instelling moet word.

Saam met die Namaqua Top Gun uitdaag skiet was die Tak se Hangar-dans ook uiters suksesvol.
Die gaste het gekuier en geskoffel tot laataand. Behalwe vir die pret, het die aand ook ʼn welkome kontantinspuiting vir die Tak beteken.
Weer eens was die gevoel dat dit ook ‘n jaarlikse instelling moet word.

Die “Jungle Gym” vir ons heel kleintjies by die Tak se klubhuis is nou bestel en sal binnekort opgerig word sodat die kinders nog voor Kersfees
 kan klim en klouter.

Woensdag, 16 November van 16:00 tot 19:00 – MDS en Handwapenskietoefeningelle
Saterdag, 19 November – NAMAQUA TOP GUN – 5 baan ghongskietuitdaging (Borge dag)
Woensdag, 23 November van 16:00 tot 19:00 – MDS en handwapenskietoefeninge
Saterdag 26 November – Jaggebaseerde en handwapenskietoefeninge

Bewaring

Die Tak se bewaringsinisiatiewe gaan voort soos normaal.
Ons bewaringskoördineerder is genooi om in Julie 2023 na die VSA te reis om die bedreiging van ons sukkulente spesies verder onder die Amerikaners se aandag te bring. Sy besoek sal 3 weke duur en hy behoort 9 organisasies te kan toespreek.
Ons hoop ook om hiermee verdere fondse in te samel vir bewaring in ons gebied.

Opleiding
Opleiding van sportskuts gaan voort op ‘n ad hoc-basis en opleiding word op aanvraag aangebied.

Program

Die Tak skiet elke derde en vierde Saterdag van die maand op die Witklip-skietbaan.
Detail word per WhatsAapp aan lede gestuur sodat hulle betyds kan voorberei vir die betrokke skietdag.
Woensdagmiddae is die Tak se klubhuis ook oop vir meestal handwapen, PCP en .22 skietoefeninge.

Gewoonlik braai ons vleis na afloop van die oefeninge wanneer ons gesels oor skiet, herlaai en jag.
Dit verbeter die samehorigheid onder lede.