Die Lynx Optics/SAJWV Presidentskietkompetisie is op 14 September 2019 baie suksesvol aangebied deur die Bloemfontein tak op die Meerkatgat skietbaan ongeveer 20 km noord van Soutpan op pad na Bultfontein.


Vrydag was daar geleentheid vir skuts om op die Meerkatgat skietbaan in te skiet op 100 tot 300 m afstande in goed georganiseerde aflossings onder toesig van baanoffisiere. Die wind het gedurende die dag toenemend sterker begin waai en niks goed voorspel vir die volgende dag se kompetisie nie. Saterdag was ‘n warm dag en die lugspieëling (“mirage”) het toenemend ‘n rol gespeel soos die dag gevorder het, maar daar was baie min wind en die toestande was baie gunstig vir die skuts.


Baie geluk en baie dankie Pieter du Preez (voorsitter) en die span wat hom bygestaan het van die Bloemfontein tak, vir hulle gasvryheid, aandag aan detail, vriendelike administratiewe personeel en die afsluiting met ‘n heerlike ete en prysuitdeling – dit was besonders! Die baanbeamptes onder leiding van hoofbaanoffisier, Basie Bergh (Adjunk President) het op sy bekende gemaklike manier verseker dat alles glad verloop op die skietbaan in terme van dissipline en veiligheid en daar is net lof vanaf die skuts vir sy manier van dinge doen – baie dankie Basie!


Die Presidentskietkompetisie op streek- en nasionale vlak is vanjaar vir die vyfde keer geskiet met 3 ekstra skote uit die vryhand sitposisie op 100m vir die Vlakte skietoefening en 3 ekstra snapskote op 50m vir die Bosveldskietoefening (vir ‘n totaal van 24 skote vir die kompetisie). Hierdie vryhand skote is duidelik nie meer so ‘n groot faktor soos in die verlede nie aangesien 76 skuts vir die nasionale Platinum toekenning gekwalifiseer het. 


Baie geluk aan die wenners van die verskillende klasse:

Ope klas en kampioenskut: Gerhard Coertzen – Bloemfontein tak

Junior Klas: Wimpie Jacobs – Sterland tak

Dames klas: Yvette Aggenbach – Suikerbosrand tak

Senior Klas: Gawie Hattingh – Centurion tak se geskenkbewyse aan die plekwenners in die vier klasse!


Top 20

No      Tak Klas
1  Coertzen Bloemfontein Ope
2 MJ   de Beer Tembo Ope
3 PL van Tonder Pta Oos Ope
4 PD Jacobs Lammergeier Ope
5 WST Laing Genl de la Rey Ope
6 HJ Louw Pta Oos Ope
7 WJP  Jacobs Sterland Junior
8 CN Krugel Duiker Ope
9 B Herbst Bloemfontein Ope
10 WJA  Kriel Genl de la Rey Ope
11 RGS Bronkhorst Baviaanspoort Ope
12 WP Roux Olifants Ope
13 DJ  van Rooyen Bloemfontein Ope
14 JH  Schoeman Riemland Ope
15 JC Lambrechts Vrystaat Sandveld Ope
16 GM Clark Pretoria Oos Ope
17 JDJ  Taljaard Baviaanspoort Ope
18 GJ  Hattingh Centurion Senior
19 GL Strydom Sterland Ope
20 J Coetzee Schweizer Ope

 

Juniors

No     Tak Klas
1 WJP Jacobs Sterland Juniors
2 K Kriek Baviaanspoort Juniors
3 SWV Meintjies Mpungini Juniors

Nota: Baie geluk aan die drie juniors wat elkeen ook kwalifiseer vir die Platinum toekenning!

 

Dames

No     Tak Klas
1 Y Aggenbach Suikerbosrand Dames
2 M Laing Genl de la Rey Dames
3 M van der Merwe Koedoe Dames

Nota: Baie geluk aan die drie dames wat elkeen ook kwalifiseer vir die Platinum toekenning!

 

Seniors

No     Tak Klas
1 GJ Hattingh Centurion Seniors
2 CWD Erasmus Hartbees Seniors
3 RC du Preez Marico Bosveld Seniors


Baie dankie aan Lynx Optics wat die dag geborg het met R50 000 se geskenkbewyse aan die plekwenners in die vier klasse!

Baanoffisiere

Basie Bergh (Hoof Baanoffiser) heel links en die baanbeamptes vir die dag

Dames

v.l.n.r. M van der Merwe (3 de), Y Aggenbach (1 ste), M Laing (2 de)

Juniors

K Kriek (2 de), WJP Jacobs (1 ste), SWV Meintjies (3 de)

Ope klas

v.l.n.r. President: Carl Arnold doen die oorhandiging, PL van Tonder (3 de), G Coertzen (1 ste), MJ de Beer (2 de)

Seniors

v.l.n.r. President: Carl Arnold doen die oorhandiging, RC du Preez (2 de), GJ Hattingh (1 ste), CWD Erasmus afwesig tydens die neem van die foto

Top 20


Volledige Resultate

Filename Size
An Adobe Acrobat file 1-Pres shoot 2019 - Open 53.44 KB
An Adobe Acrobat file 2-Pres shoot 2019- Juniors 36.35 KB
An Adobe Acrobat file 3-Pres shoot 2019 Ladies 36.04 KB
An Adobe Acrobat file 4-Pres shoot 2019 - Senior 35.96 KB
An Adobe Acrobat file 5-Pres shoot 2019 - Platinum 38.44 KB